မျက်နှာချင်းဆိုင်က လူယောက်ျား၊ သူ့ပြတင်းကို သတိနဲ့ဖွင့်။
ဝုန်းကနဲပြန်ဆောင့်ပိတ်လိုက်တယ် ပြီးသူ့ပါးစပ်ပေါ် လက်နှစ်ဖက်
ပြုတ်တူလိုညှပ်၊ ခြောက်ကပ်ကပ် ၀က်မြည်သံတစ်ခုကို အုပ်ပစ်လိုက်တယ်။
ပြတင်းပေါက်ဟာ နှစ်မီတာမြင့်တယ်၊ အောက်က ၀ါကြန့်ကြန့်မြက်တွေ၊
ဆီးနှင်းခဲ အထပ်ထပ်ကို တဖြောင်းဖြောင်းမြည်စေတယ်၊ အနီရင့်ရင့်
နံရံပေါ်မှာ ကင်းမြီးကောက် တစ်ကောင်
ပြတင်းမှန်ထဲဝင်ဖို့ ကြိုးစားတယ်၊ မအောင်မြင်ဘူး။
အဲဒီလူဟာ မြူတွေမှုတ်ထုတ်လိုက်တယ်၊ ပြတင်းမှန်မှာ
နှာခေါင်းပြားအောင်ကပ်လိုက်တယ်၊ ပြီးသူ့အခန်းထဲ
လှည့်ပတ်ချောင်းမြောင်းတယ်၊ ဖုံထသွားအောင်ကန်လိုက်တယ်။
သူ့အဖြူရောင်အပေါ်အင်္ကျီဟာ သူ့မျက်နှာကို
ငတ်မွတ်ခေါင်းပါးနေတဲ့ ထုံးခြောက်ရောင်ဖျော့သွားစေတယ်။
သူ့လက်ထဲမှာ တင်းပုတ်ရှိတယ်။ အဲဒါနဲ့ ဟိုထိုးဒီထိုး
အချိန်မရွေးပဲ မှန်ကိုအစိပ်စိပ်အမွှာမွှာရိုက်ခွဲပြီး
နေ့အလင်းရောင်ဝင်းပနေတဲ့ လောကထဲ
သူ့သွေးတွေနဲ့ အနားကွပ်ထားတဲ့ ဖန်ကွဲစအချွန်အတက်တွေနဲ့
‘၀’ လုံးပေါက်ကြီးကတဆင့်
ခုန်ထွက်လိုက်တော့မယ့်အတိုင်းပဲ။
ဒါပေမယ့် အဲဒါမျိုး သူလုံးဝ မလုပ်ပါဘူး။
ဘာပဲဖြစ်ဖြစ်လေ ရှင်နဲ့ကျွန်မ သူ့ကိစ္စကိုခေါင်းရှုပ်ခံစရာမလိုဘူး။
ကျွန်မတို့ရဲ့ ပြတင်းပေါက်တွေမှာလည်း ဆီးနှင်းခဲတွေ ထူထပ်လာနေပြီ။
ဟုတ်တယ် - သူ့ကိုဘယ်သူကများ စိတ်ဝင်တစားကြည့်နေတော့မလဲ။
အခြား ဘာကိုမှလည်း စိတ်မ၀င်စားတော့ဘူး။
ဥပမာ။ အဲဒီကင်းမီးကောက်ဖြစ်ဖြစ်၊ ဒါမှမဟုတ် ဘာပဲဖြစ်ဖြစ်။
အဲန်ဒရူး မိုးရှင်း(န်)
[ ဟောင်(င်)ရင်း(င်) ၏ မူလကဗျာကိုပြန်ဆိုခြင်း ]
* * * * *
ဇေယျာလင်း
အလှပဆုံးစကားလုံးစာအုပ်မှ
No comments:
Post a Comment
ခုလိုလာတာကျေးဇူးပါ