သူရှာတာက
သူရဲ့ "နှင်းဆီပွင့်" တဲ့
(ဟုတ်မဟုတ်တော့ မသိဘူး)
တိတ်တိတ်ကလေးရွေ့လျားလာရင်း
နောက်ဆုံးမှာ သူဟာ. . .
မှော်ရုံကို ရင်ဖွင့်ကြည့်လိုက်တယ်
(ဘာကိုမြင်သလဲဆိုတာ မပြောဘူး)
အဲဒီလိုနဲ့
သိန်းခိုမြို့ကြီးလည်း
မီးပုံထဲကို တစ်ရှူးထိုးခုန်ချ
(မျက်မြင်သက်သေမရှိဘူး ဒါပေမယ့်... သေချာတယ်)
သူကတော့
သူ့အမြင်အတိုင်း ပြန်ပြောပြတယ်
"စကြာဝဠာက
နှင်းဆီပွင့်ကလေးကို မျိုချလိုက်တာ" တဲ့
နားထောင်ကြည့်လေ (အဲဒီနောက် သူထွက်ခွာသွားလေရဲ့
အခုတောင် မြင်းခွာသံတွေကို ကြားရသေးတယ်)
တာရာမင်းဝေ
No comments:
Post a Comment
ခုလိုလာတာကျေးဇူးပါ