v မငိုပါနဲ့လားကွယ်
တို့ဝေးရမှာ ခဏပါ
လို့
လီဆယ်ပြီးဖြစ်ဖြစ်
ငါ ကျိန်ပြောပစ်ချင်ပါတယ်။ ။
v မငိုပါနဲ့လားကွယ်
သေချာခဲ့ပြီဆိုပေမယ့်
ကျန်နေသေးတဲ့ အချိန်မှာ
ညင်သာစွာပွေ့ထွေး
“သစ္စာတိုင်”တေးကို
ဆိုကြမယ်။ ။
v မငိုပါနဲ့လားကွယ်
အဓိပတိလမ်းက စွယ်တော်ရွက်တချို့ကို
တို့ သစ္စာပြုလို့
ထားကြမယ်လေ
အရှေ့ပိုင်းတက္ကသိုလ်
သမိုင်းတစ်ခေတ်မှာ
တို့နှစ်ယောက်သာ အချစ်ဆုံးလို့။ ။
v မငိုပါနဲ့လားကွယ်
ဆုံဆည်းခဲ့တာ ခွဲခွါဖို့ဆိုပေမယ့်
တို့နှစ်ယောက်အတွက်
အဆုံးသတ်က
ရက်ရက်စက်စက်ခါးသက်နေခဲ့တာ
ငါတို့နှစ်ဦးကြား
နှလုံးသားက
နားလည်ထားပေမယ့်
ခဏလေးဖြစ်ဖြစ်
ချစ်သူရင်ခွင် ခိုဝင်မှေးလှည့်ကာ
မျက်ရည်တွေပါ သုတ်လိုက်နော်
လင်းညီညာ
No comments:
Post a Comment
ခုလိုလာတာကျေးဇူးပါ