အချစ်ဆိုတာကိယ့်ကိုကိုယ်အလှပဆုံးသေကြောင်းကြံစည်မှုပဲမိသူဇာ-ကိုသျှား

ငါ ချစ်တယ် အဲဒါကြောင့် ငါ ရှုံးတယ်
ထပ်ပြောမယ်
ငါ ချစ်တယ် အဲဒါကြောင့် ငါ ရှုံးတယ်

ငါဟာ အရူးမကြီးတစ်ယောက်လို
မင်းရှေ့မှာ ခေါင်းငုံ့လိုက်ရ ဒူးထောက်လိုက်ရ
မင်းအတွက် ကြေကွဲလိုက်ရ ငိုကြွေးလိုက်ရ
မင်းကြောင့် နာကျင်လိုက်ရ ဆို့နင့်လိုက်ရ

ငါ့ဘ၀ အရှင်လတ်လတ်ကြီး အစိမ်းချုပ်ခဲ့ရ
ငါ့ရင် လတ်လတ်ဆတ်ဆတ်ကြီး ဟက်တက်ကွဲခဲ့ရ
ငါ လူမိုက်တစ်ယောက်လို မူးခဲ့ရ ရူးခဲ့ရ
အချစ်နာတွေကျပေါ့

ငါ့အချစ်ဟာ ဆေးခါးကို မြိုရသလိုလား
အအိပ်ပျက်အစားပျက် စေတနာထားမိတာတွေ
အလကားပဲမိသူဇာ
မင်းဟာ ထမင်းကျွေးတဲ့လက်ကို ပြန်ကိုက်တယ်

ဘယ်သူတွေ ဘာပြောပြော
အချစ်ဆိုတာ ကြေးကြီးတဲ့လောင်းကစားတစ်ခု
မင်းလည်း မင်းချစ်သူအတွက်
ဘ၀တစ်ခုလုံး ပုံအောလောင်းခဲ့တာပဲ
ငါလည်း မင်းအတွက်
ဘ၀တစ်ခုလုံး ပုံအောလောင်းခဲ့တာပဲ
မင်းချစ်သူကို မင်း ရှုံးခဲ့သလို
ငါလည်း မင်းကို ရှုံးခဲ့တယ်

အတောမသတ်နာကျင်မှုနဲ့
`အမာရွတ်´ကို ငါ့ရင်ဘတ်ပေါ်
ငါကိုယ်တိုင် ဓားမြှောင်နဲ့ ထိုးစိုက်ရေးခြစ်ပစ်မိရဲ့
ငါ့ကို မင်းရှို့ခဲ့တဲ့မီးက
တစ်ဘ၀စာ အလင်းပြန်ဖို့တော့ ခက်မယ်
 
ငါ့ရင်ခွင်ထဲမှာနေပြီး
မင်းချစ်သူကို တမ်းတတာဟာ ငါ့ကို လုပ်ကြံတာပဲ
ငါ့လက်ကိုဆုပ်ကိုင်ပြီး
မင်းချစ်သူရှိရာ သွားချင်တာဟာ ငါ့ကို ငရဲဆီခေါ်တာပဲ

ဘုံခုနှစ်ဆင့်မှာ စံမြန်းနေတဲ့ တော်ဝင်ထိပ်ထားလေးကို
ငယ်ကျွန်ကြီးတစ်ယောက်က ချစ်နေရသလိုမျိုး
မင်းကို ငါ ချစ်ခဲ့ပါတယ်
မင်းချစ်သူဖြစ်နေရက်နဲ့ မင်းချစ်သူဖြစ်ခွင့်မရတာဟာ
ချစ်ခြင်းမေတ္တာမှာ သေမိန့်ချခံရတာနဲ့ အတူတူပါပဲကွာ

                                             ကိုသျှား