Friday, February 17, 2012

ခရမ်းနက်ရောင် နှင်းဆီ-သက်တန့်ချို

“ . . . . . . . . . . . . . . ” တဲ့ . . .
စိတ်တို့ ဟိုး အဝေးဆီ ပြေးထွက်ခဲ့
တရှိုက်မက်မက် အနမ်းတွေနဲ့
တစိုက်မက်မက် အလွမ်းတွေနဲ့
နူးညံ့ အိစက် . .
ငါ့ရဲ့ . . ခရမ်းနက်ရောင် နှင်းဆီ

စကားသံမဲ့ တိတ်ဆိတ်ခြင်းအချို့
စီးမျောလိုက်ပါမိခြင်းအချို့
နှုတ်ခမ်းဖျား မှ နှင်းဆီရနံ့များ
ဆောင်းဦး ရာသီရဲ့ ဥာဉ့်နက်တွေတိုင်း
ရစ်သမ် အချို့ ပျိုးနေမိ
ငါက ခရမ်းရောင် သက်တံ့ တစ်စင်းပါကွယ်

ကြာသပတေးတစ်ရက်ရဲ့ . . . .
နံနက် ၁၁ နာရီခွဲ အချိန်ဟာလည်း
မိုင်ပေါင်းများစွာက ခရီးရှည်သံတွေကြားနေရသလို
ခရမ်းနက်ရောင် ဘာသာဗေဒများ . . .
တခါတခါ . . .ဒီကောင်းကင်ကြီးအောက်
ငါ့ကိုယ်ငါ ထစ်ချုန်းရွာချလိုက်ချင်တယ်

ပြောပြောနေကျ နှင်း နံနက်ခင်းမှာတောင်
တံလျှပ်တွေက အပြိုင်းပြိုင်း တောက်ပလို့
ငါ . . . ကမ်းခြေသံတွေ ကြားနေရဆဲ
ဘယ်လို ရာသီဥတုကမှ
ငါတို့ ကို မဝေးကွာစေနိုင်ပါဘူး
ခရမ်းနက်ရောင် . . . ဒဏ္ဍာရီများအကြား
ပျော်ဝင်စီးဆင်းနေဆဲ တိမ်တိုက်များ . . .

ရင်ခုန်သံ တွေ . . . ကျယ်လောင်မြည်ဟီးနေခိုက်
နှောင်တွယ်ငြိငင် . . .နိုင်စွမ်းထဲ . .
ငါ ခုန်ဝင်လိုက်တယ် . . . .
ကမ်း လည်း မမြင် လမ်းလည်း မမြင်
ကြယ်ရောင် တွေ နဲ့ ရောင်ပြန်ခတ်မှုများနဲ့
ငါ့ . . .ခရမ်းနက်ရောင် နှင်းဆီ . . .
                                  သက်တန့်ချို

1 comment:

ခုလိုလာတာကျေးဇူးပါ

ဟောဒီဆိုက်လေးရဲ့ အကြီးမားဆုံးရည်ရွက်ချက်

၁။ မြန်မာနိုင်ငံရှိ ဖတ်ခဲ့ဖူးသော ကဗျာများထဲမှ ကိုယ်နှစ်သက်ခဲ့သော
ကဗျာများကို ပရိတ်သတ်ဆီသို့ ပြန်ပြသပေးရန်
၂။ ကဗျာကိုမြတ်နိုးတန်ဖိုးထားသူတို့အတွက်
ကဗျာများကို အလွယ်တကူ ဖတ်ရှုနိုင်ရန်
၃။ တခြားပြင်ပအကြောင်းအရာများ မစွက်ဖက်ပဲကဗျာတစ်ခုတည်းသက်သက်
အခြေစိုက်စခန်းကောင်းဖြစ်ရန်