Friday, November 25, 2011

မြို့ပြမိန်းမများ -အောင်ရင်ငြိမ်း

ဆံပင်ပုံစံအစ ဒေါက်မြင့်ဖိနပ်အဆုံး
နောက်ဆုံးပေါ် ဖက်ရှင်အားလုံးစိတ်ဝင်စားတယ်
အပေါ်ယံကြည့်ရင်
ခေတ်ရေစီးမှာ ကတ်ဝေါ့ခ်လျှောက်နေတဲ့
အလှပိုင်ရှင်
အနှစ်သာရက
ကမ္ဘာမြေကို ဆော့ကစားနေတဲ့ ရုပ်ဝတ္ထုရဲ့ ကျေးကျွန်
သီချင်းအဟောင်းကြီးတွေ ကြိုက်တယ်
နိုင်ငံခြားအမှတ်တံဆိပ်မှန်သမျှ အလွတ်ရတယ်
အချစ်ဆိုတာ ဘာလဲ
လျှာရှည်ပြီး သွားမေးမနေနဲ့
ဘယ်မိန်းမကလေးမှ မသိသေးတဲ့
ဟန်းဖုံးတစ်လုံးရဲ့ လျှို့ဝှက်နံပါတ်လို့ ဖြေလိမ့်မယ်
ပေါ့ပေါ့ပါးပါးပဲ
သူတို့အမှန်တရားက
ဂျေဒိုးနတ်က မုန့်အရသာဟာ အနုပညာထက်
ချိုမြိန်တယ်
စီးတီးမတ်ထဲလျှောက်ကြည့်ရတဲ့ ဖီလင်ဟာ
ရုပ်ရှင်ရုံထဲ အလဟဿရင်ခုန်တာထက်မြင့်တယ်
ပိုက်ဆံမရှိရင် စိတ်ကူးယဉ်တွေကို ရပ်ပစ်လိုက်
ခေတ်က အချစ်ကို ကိုးကွယ်တဲ့ဘာသာရေး မရှိတော့ဘူး
ခင်ဗျားမှာ အတွေးအခေါ် ဘယ်လောက်ရှိသလဲ
ခင်ဗျားရှေ့မှာ ရပ်နေတာ မိန်းကလေးမဟုတ် အိုင်ကျူမြင့်တဲ့ရုပ်တု
ယောက်ျားတစ်ယောက်ကို မော်တော်ကားတစ်စီးလို့မြင်တယ်
၂၀ရာစု
ရိုမီယိုနဲ့ ဂျူးလိယက်ဇာတ်လမ်းတွေထားလိုက်ပါ
အခု ဘင်အက်ဖလက်နဲ့ ဂျနီဖာလိုပက်ဇ်
အသည်းကွဲတယ်ဆိုတာ
၂၁-ရာစုမှာ ဖတ်လို့အကောင်းဆုံး သရော်စာပဲ
သစ္စာတရားက
အပြောင်းအလဲမြန်တယ်၊မျက်နှာများတယ်
အနံ့အရသာပျက်နေပြီ
ခေတ်က ဘာဆိုလား ညာဆိုလား
မြို့ပြမိန်းမများဟောတဲ့တရား
ခင်ဗျားမမေ့လျော့လေနဲ့။
အောင်ရင်ငြိမ်း

No comments:

Post a Comment

ခုလိုလာတာကျေးဇူးပါ

ဟောဒီဆိုက်လေးရဲ့ အကြီးမားဆုံးရည်ရွက်ချက်

၁။ မြန်မာနိုင်ငံရှိ ဖတ်ခဲ့ဖူးသော ကဗျာများထဲမှ ကိုယ်နှစ်သက်ခဲ့သော
ကဗျာများကို ပရိတ်သတ်ဆီသို့ ပြန်ပြသပေးရန်
၂။ ကဗျာကိုမြတ်နိုးတန်ဖိုးထားသူတို့အတွက်
ကဗျာများကို အလွယ်တကူ ဖတ်ရှုနိုင်ရန်
၃။ တခြားပြင်ပအကြောင်းအရာများ မစွက်ဖက်ပဲကဗျာတစ်ခုတည်းသက်သက်
အခြေစိုက်စခန်းကောင်းဖြစ်ရန်