ညီလေး-၃-ကိုသျှား

အခန်းဆက်ကပြနေရတဲ့ကြေကွဲဖွယ်ဇာတ်လမ်းတစ်ပုဒ်လား
မသေရုံတစ်မယ် သွေးထွက်လွန်နေတဲ့ ဓားတန်းလန်းရှင်သန်မှုလား
ညီအစ်ကိုအရင်းဆိုပေမယ့်လည်း သူ့ဘ၀ ကိုယ့်ဘ၀
လည်ပြန်ကြည့်ဖို့ စောင်းငဲ့ချိန်မရ
ဓာတ်တူနံတူသွေးသားရင်းခြာနှစ်ဦးကြား
လောကဓံကန့်လန့်ကာ ခြားခဲ့တယ်

ညီလေးဟာ ငါးတစ်ကောင်ဆိုရင် လည်မြိုထဲထိုးစိုက်လာမယ့်ချိတ်တွေကို
မျက်လုံးဒေါက်ထောက်ကြည့်နေရတဲ့ စိုးရိမ်ထိတ်လန့်မှုတွေ ရှိမယ်
ညီလေးဟာ ငှက်တစ်ကောင်ဆိုရင်လည်း လေးညှို့သံကို နားစွင့်နေရတဲ့
နောက်ကျောမလုံမှုတွေ ရှိမယ်
သူလိုအပ်နေချိန်မှာ လက်ကလေးတစ်ဖက်တောင် ကမ်းမပေးနိုင်ခဲ့တဲ့လူ
အစ်ကိုတစ်ယောက်ပေးရမယ့်အရိပ် သူမရခဲ့ပေမယ့်
အစ်ကိုတစ်ယောက်ရဲ့တာဝန်မကျေပွန်မှု သူဗွေမယူခဲ့ဘူး

မိသားစုကို ခုတ်ချလိုက်လို့ ပဲ့ကျသွားတဲ့အသားစတစ်စလား
အတန်းပညာမတတ်လို့ အတတ်ပညာတစ်ခုနဲ့အသက်မွေးခဲ့တဲ့ညီလေး
သူ့ဘ၀သူ တည့်မတ်နေရင်း မိသားစုကို လှမ်းလှမ်းကျားကန်တယ်
အမှောင်ကျနေတဲ့မိသားစုကို အလင်းပေးဖို့
ညီလေးဟာ မီးစာအဖြစ် လောင်ကျွမ်းခံခဲ့သူ
သွေးဆာနေတဲ့ခေတ်ကြီးရဲ့ ဟထားတဲ့ပါးစပ်ပေါက်ထဲ
သူ့ကိုယ်သူ မောင်းသွင်းပေးခဲ့တဲ့ညီလေး
ဒီနေ့ထိ ဘယ်လိုမှ ပြန်ထွက်မလာတော့ဘူး

                                                                               ကိုသျှား